மாரியும் மழையும்

*ஏன் அடைமழை என்கிறோம்?*

*அடைமழை = வினைத்தொகை!*

*அடைத்த மழை*

*அடைக்கின்ற மழை*

*அடைக்கும் மழை*

*விடாமல் பெய்வதால், ஊரையே ‘அடை’த்து விடும் மழை= அடை மழை! அடைத்துக் கொண்டு பெய்வதாலும் அடைமழை!*

*கனமழை வேறு! அடைமழை வேறு!*

*தமிழில், மழை!*

*1. மழை

*2. மாரி

*3. தூறல்

*4. சாரல்

*5. ஆலி

*6. சோனை

*7. பெயல்

*8. புயல்

*9. அடை (மழை)

*10. கன (மழை)

*11. ஆலங்கட்டி

*12. ஆழிமழை

*13. துளிமழை

*14. வருள்மழை

*மழ = தமிழில் உரிச்சொல்!*

*மழ களிறு= இளமையான களிறு*

*மழவர் = இளைஞர்கள்*

*அந்த உரிச்சொல் புறத்துப் பிறப்பதே..*

*மழை எனும் சொல்! மழ + ஐ*

*இளமையின் அலட்டல் போல், காற்றில் அலைந்து அலைந்து பெய்வதால், புதுநீர் உகுப்பதால் மழை காரணப் பெயர்!*

*மழை வேறு/ மாரி வேறு!*

*மழை= இள மென்மையாக அலைந்து பெய்வது,காற்றாடி போல!*

*மாரி= சீராகப் பெய்வது, தாய்ப்பால் போல!*

*மார்+இ= மாரி!தாய் மார்பிலொழுகு பால் போல், அலையாது சீராகப் பெயல்!*

*அதுதான் மாரி+அம்மன்.

*1. ஆலி – ஆங்காங்கே விழும் ஒற்றை மழைத்துளி – உடலோ உடையோ நனையாது*

*2. தூறல் – காற்று இல்லாமல் தூவலாக பெய்யும் மழை – புல் பூண்டின் இலைகளும், நம் உடைகளும் சற்றே ஈரமாகும் ஆனால் விரைவில் காய்ந்து விடும்.*

*3. சாரல் – பலமாக வீசும் காற்றால் சாய்வாக அடித்துவரப்படும் மழை சாரல் எனப்படும்.. மழை பெய்யுமிடம் ஓரிடமாகவும், காற்று அந்த மழைத்துளிகளை கொண்டு சென்று வேறிடத்திலும் வீசி பரவலாக்குவதை சாரல் என்பர்……*

*சாரல் – சாரம் என்பன சாய்வை குறிக்கும் சொற்கள்,

*சாரல் மழை என்பது சாய்வாய் (காற்றின் போக்குக்கும் வேகத்துக்கும் ஏற்ப) பெய்யும் மழை என்பதே பொருள்*

*சாரல் மழையில் மழை நீர் சிறு ஓடையாக ஓடும்..மண்ணில் நீர் தேங்கி ஊறி இறங்கும்*

*4. அடைமழை – இடைவெளியின்றி பார்வையை மறைக்கும் படி பெய்யும் மழை*.

*அடை மழையில் நீர் பெரும் ஓடைகளாகவும் குளம் ஏரிகளை நிரப்பும் வகையிலும் மண்ணுக்கு கிடைக்கும்..*

*5. கனமழை – துளிகள் பெரிதாக எடை அதிகம் கொண்டதாக இருக்கும்*

*6. ஆலங்கட்டி மழை – திடீரென வெப்பச்சலனத்தால் காற்று குளிர்ந்து மேகத்தில் உள்ள நீர் பனிக்கட்டிகளாக உறைந்து , மழையுடனோ அல்லது தனியாகவோ விழுவதே ஆலங்கட்டி மழை

*7. பனிமழை – பனிதுளிகளே மழை போல பொழிவது. இது பொதுவாக இமயமலை ஆல்ப்ஸ் போன்ற மலைப்பகுதிகளில் பொழியும்..*

*8. ஆழி மழை – ஆழி என்றால் கடல் இது கடலில் பொழியும் மழையைக் குறிக்கும். இதனால் மண்ணுக்கு பயனில்லை ஆனால் இயற்கை சமன்பாட்டின் ஒரு பகுதி இம் மழை..*

*மாரி – காற்றின் பாதிப்பு இல்லாமல் வெள்ளச்சேதங்கள் இன்றி மக்கள் இன்னலடையாமல் பெய்யும். இதனை நமக்கு அருளுவது கருணை மிகுந்த தாய் மாரியம்மன்.

இக்காரணங்களால் தான்.. இலக்கியங்களில் ‘ மாதம் மும்மழை பெய்கிறதா?’ என்று கேட்காமல். ‘மாதம் மும்மாரி பெய்கிறதா?’ என்று கேட்பதாக நாம் காண்கிறோம்.