முருகா முருகா-ஸ்ரீரங்கம் ரமேஷ்

0Shares

முருகா முருகா

பல்லவி

ஓம் முருகா ஓம் முருகா ஓம் முருகா ஓம் ஓம்

சரணம் 1

முருகா முருகா என பெயர் சொல்லச்சொல்ல

அருகாமையில் வரும் தெய்வமே – முருகா

திருமாலின் மருமான் உன் திருநாமம் எம்நாவில்

அமிழ்தாக சுவைசேர்க்குமே – முருகா

ஓம் முருகா ஓம் முருகா ஓம் முருகா ஓம் ஓம்

சரணம்2

ஒருநாளும் தவறாமல் உனைக்காணும் அருள்பெற்று

திருநாளாய் விளங்கட்டுமே – முருகா

திரும்பாத வயதோடிப்போனாலும் , எம் உடல்

திடம் காக்கும் தமிழ் வீரமே – முருகா

ஓம் முருகா ஓம் முருகா ஓம் முருகா ஓம் ஓம்

சரணம்3

கந்தன் என்றாலும் அழகு கடவுள் என்றாலும்

இரண்டும் ஒன்றல்லவா – முருகா

செந்தமிழ் மொழி என்று அழகு அதன் பொருளென்று

தமிழ் தந்த எம் வேலவா – முருகா

ஓம் முருகா ஓம் முருகா ஓம் முருகா ஓம் ஓம்

தீர்மானம் 1

ஓம் முருகா முருகா முருகா- முருகா முருகா ஓம் ஓம்

அருள்சேர் கணபதி கனி தரவிலையென மலை கண்டமர்த்தவனே – முருகா

அப்பனின் மனம்குளிர் மந்திரம் செப்பிய சுப்பிரமணி நீயே – முருகா

கெட்டவன் அசுரனை வதைசெய்தோழித்து செந்தூரில் உறைபவனே – முருகா

முப்புரி நூலொடு அந்தணன் வேடத்தில் வள்ளியை மணந்தவனே – முருகா

தணிகையில் இணையென துணையொடு குடிகொண்டருள் தரும் தமிழ்மகனே – முருகா

மனம்மகிழ்ந் இருவர் உடன் உறைந்தனை திருபழமுதிர்சோலையிலே- முருகா

ஓம் முருகா முருகா முருகா – முருகா முருகா ஓம் ஓம்

தீர்மானம் 2

வயலூர் வயலிலும் மருத மலையிலும் கதிர்காமத்திலும் நின்றாய் – முருகா

விராலி மலையிலும் இரத்தினகிரியிலும் பத்துமலையிலும்குடி கொண்டாய் – முருகா

செட்டிகுளத்தில் கரும்புடன் நின்றாய் சிக்கலில் சிங்காரவேலா – முருகா

சென்னிமலையில் உயர்வேதம் நீ , விரைசெவ்வாய்க் கிரக நாயகனே – முருகா

ஓம் முருகா முருகா முருகா- முருகா முருகா ஓம் ஓம்

– ஸ்ரீரங்கம் ரமேஷ்

Post Views: 8