கருணை கொண்ட கற்பகம்மா
பல்லவி
கருணை கொண்ட கற்பகம்மா
கண் தூங்கா தாய் நீயம்மா
மண் வாழும் மக்கள் எல்லாம்
உன் காலடியில் சரணம் தாயே
சரணம் 1
பெண் நீயே இங்கு
தாய்க்கெல்லாம் தாயாய் நின்றாய்
முன்வருவது எல்லாம் கண்டு
எமை என்றும் நீயே காப்பாய்
தான் என்றும் தன்னது என்றும்
ஒன்றில்லை கருணை தாயே
எல்லாமும் நீயே ஆனாய்
உனதான எம்மை காப்பாய்
(கருணை கொண்ட)
சரணம் 2
மந்திரங்கள் வேதங்கள் சொல்லி
மாதவங்கள் செய்வது அறியோம்
தந்திரமும் சூதும் அறியோம்
வேற்றுமையும் பழியும் அறியோம்
எங்களுக்குச் சொந்தம் நீயே
உனை மட்டும் வேண்டி கிடப்போம்
மங்காத வாழ்வு தந்து
எமை அருள்வாய் தங்கத் தாயே
கருணை கொண்ட)
—ஸ்ரீரங்கம் ரமேஷ்